LAOAG CITY – Nangipeksa ti posibilidad ni Bangko Sentral ng Pilipinas (BSP) Governor Eli Remolona iti posible a maaddaan ti 50 basis point cut iti monetary policy rate ita a tawen ken 200 basis point cut iti reserve requirement dagiti bangko iti katengngaan ita a tawen.
Inbatadna nga imposible a mapasamak ti inisyal a napagsaritaan a 100 wenno 75 bps total policy rate cut ita a tawen gapu iti agtultuloy nga inflation.
Kunana a dakdakkel ti posibilidadna ti 50 bps cut gapu ta kasapulanda a maikkan ti policy insurance kontra iti inflation.
Iti baet daytoy, inbatad ti Bangko Sentral ng Pilipinas governor a saan nga insigida a maipatungpal ti cut iti maysa a monetary board meeting.
Innayon ti Bangko Sentral ng Pilipinas Chief a pagsasaritaan ti Monetary Board ti panangkissay iti reserve requirement ratio kadagiti bangko ti 200 basis point inton Hunio wenno Hulio ita a tawen.
