LAOAG CITY – Balligi a naiyuswat ti training ti Barangay Service Point Officers (BSPOs) idiay Pavillion ti Grand Octagon Resort iti Brgy. Buttong ditoy cuidad ti Laoag.
Daytoy a programa ket inorganisar ni Ms. Janet Cony Retamal, ti City Population Officer.
Segun iti local a gobierno ditoy ciudad, dakkel ti responsibilidad dagiti Barangay Service Point Officers iti komunidad gapu ta isuda ti maysa kadagiti katulungan ti kumunidad tapno maiwayat dagiti nagduduma a programa ken aktibidad para kadagiti umili nangruna ti panangpatalged ti seguridad iti tunggal maysa kas iti family planning ken population program, proper nutrition, teenage pregnancy, barangay profiling ken dadduma pay.
Mainaig iti daytoy, nagyaman ti lokal a gobierno ditoy cuidad iti adu nga anus, rigat ken sakripisyo dagiti 124 a Barangay Service Point Officers a nakipagpaset.
Kabayatanna ti nasao nga aktibidad ket inatendaran da Ms. Janet Lucia A. London ti Provincial Population Officer and Gender and Development Focal Person; Ms. Anna Marie S. Leaño ti Public Services Officer ti Provincial Government of Ilocos Norte ken ni Ms. Agnes Atud ti Presidente ti Barangay Service Point Officers.
