LAOAG CITY – Nangidonar para kadagiti biktima ti panagsuek ti Jeju Air Flight 2216 ti BTS member a ni J-Hope.
Basar iti agency daytoy nga adda ti inpaayna a 100 milyon won wenno katukad ti sumurok P3.7-milyon para kadagiti pamilia ti biktima.
Ti nasao a donasion ket naited iti Hope Bridge National Disaster Relief Association.
Daytoy ket kalpasan a nadamagna ti insidente ket nasair ti riknana isu nga inaramidna ti amin a kabaelanna tapno makaipaay ti tulong.
Immuna iti daytoy, indanonna ti pannakipagladingitna kadagiti pamilia dagiti pimmusay a biktima.
