LAOAG CITY – Inbatad ni Mrs. Analyn Agbayani, School Principal I ti Buanga Elementary School iti ili ti Pinili a manarimaanen ti panagsagana da para iti pilot limited face to face class a mangrugi intono Nobyembre 15 ita a tawen.
Segun kenni Agbayani, karaman kadagiti isagsagana da ket ti kinadalos dagiti kwarto ken ti sibibukel a pagadalan, facemask, alcohol ken ti pagdisinfect.
Inlawlawag na nga uppat a kwarto ti isagsaga da nga usaren dagiti estudyante no sadinno ket dua iti kinder Garten, innem iti Grade 1, uppat iti Grade 2 ken 13 iti Grade 3.
Kunana a ti sumaruno nga adalen ken pagsasaritaan da ket ti schedule ti estudyante a karaman iti pilot run ti limitado a face to face classes.
Karaman to pay ti pannaka-orient dagiti ubbing, ken taripnong kadagiti nagannak para iti naan-nayas a pannkaipatungpal daytoy.
Mainaig iti daytoy, inbatad na a maragsakan dagiti nagannak ken magagaran dagiti ubbing nga agsubli iti pagadalan.
Kabayatanna, patien ni Agbayani a dagiti rason a naaprubaran ti pannakaiyuswat ti limitado a face to face class iti pagadalan da ket ti pannakaipasa da iti standard, bilang dagiti enrollees, kinalawa ti pagadalan ken ti nababa wenno awan a kaso ti covid-19.
