LAOAG CITY – Nauram ti bubungan ti maysa a restaurant iti paset ti Barangay Lanao iti ili ti Bangui.
Daytoy ti inbatad ni Barangay Chairman Freddie Balbag iti Barangay Lanao.
Segun ken ni Balbag, labig ti atep ti nasao a panganan isut gapuna nga alisto a nagkayamkam ti apoy.
Innayon a basar iti agbanbantay iti nasao a restaurant ket possible a ti waya ti kuryente ti nangrugyan ti apoy.
Kuna pay ti kapitan a dakkel ti naitulong ti napigsa a tudo iti pannakasebseb ti uram.
Kabayatanna, inpakaammo ni Senior Fire Officer 3 (SFO-3) Roy Bonoan iti Bureau of Fire Protection (BFP) iti ili ti Bangui a ti makitkita da a nangrugyan ti uram ti electrical wiring.
