LAOAG CITY – Nangaramid ti season-high 24 3-pointers ti Milwaukee Bucks tapno abaken ti Philadelphia 76ers iti iskor a 135 – 127.
Iti panagballigi ti 2021 NBA Champion, nangaramid ti 43 points ni Damian Lillard.
Daytoy ti kangatoan a puntos a naiserrek ti batikan a guard ita a 2024-2025 season.
Iti uneg ti 44 a minuto a panagay-ayam iti court, kimmamada ni Lillard ti pito a rebounds ken walo nga assists tapno idauloan ti koponanna iti baet ti saan a panagay-ayam ni Giannis Antetokounmpo.
Nasayang met ti 39 points nga inaramid ni Sixers guard, Tyrese Maxey iti pannakaabak ti Philadelphia pakairamanan ti 27 points ken 12 rebounds nga inaramid ti bigman a ni Joel Embiid.
