LAOAG CITY – Nangala ti Bureau of Corrections ti 15 nga abogado manipod iti Department of Justice kas paset ti addang a maiyalisto ti pannakawaya-waya dagiti kwalipikado a balud.
Inbatad ti Bureau of Corrections a namnamaen a makatulong dagiti nasao nga abogado kadagiti legal a pagkasapulan dagiti kwalipikado a balud.
Segun ken ni Bureau of Corrections Director General Gregorio Catapang Jr, makatrabaho da dagiti abogado manipod iti Public Attorney’s Office and Legal Aid Society.
Kuna ni Catapang a dagiti abogado ti Department of Justice ket mangipaay kadagiti legal a serbisyo kas ti pannakabalbaliw dagiti kiddaw para kadagiti kwalipikado a balud a napaidaman ti waya-waya.
Karaman ditoy ti Good Conduct Time Allowance ken parol, panagisagana kadagiti endorsement iti Bureau of Corrections ken dadduma pay a serbisyo.
Mapapigsa pay daytoy ti ‘Bilis Laya’ program ti administrasyon ni Presidente Ferdinand Marcos Jr., karaman ti decongestion program na.
Basar iti datos, umabot iti 500 agingga iti 1,000 a balud ti mawaya-wayaan ti Bureau of Corrections iti kada bolan.
