LAOAG CITY – Saan manen a natuloy ti budget deliberation ti Sang. Panlungsod ditoy ciudad ti Laoag gapo ta awan ti quorum wenno saan a nagatendar dagiti dadduma a konsehal.
Matratar kuma iti deliberasyon ti budget ti Laoag City General Hospital (LCGH).
Ti laeng nagpakita ket isuda Sang. Panlungsod Member Jason Perera, Derek Lao, Edison Chua ken Justin Chua ken ni Bise Mayor Vicentito Lazo.
Naamoan a naguray pay dagitoy ti agarop 10 a minutos ngem awanen ti nagpakita a konsehal kasta pay dagiti department heads.
Ummunan nga inbatad ni Mayor Michael Marcos Keon a saan nan a pagatendaren dagiti miembro ti Local Finance Committee ken dagiti department heads gapo ta arig na ket imbestigasyon ti mapaspasamak no maiyuswat ti budget deliberation.
Gapo iti daytoy, kuna ni Lazo nga umapela a kenni Mayor Keon nga ibilin na kadagiti department heads nga agatendar iti budget deliberation.
Inpetteng na pay a saan da a mabalin a mangiyuswat ti budget deliberation no awan dagiti maseknan a mangidaulo kadagiti departamento ken ti LFC ti mang-guide kadakuada.
Innayon na a ti direktiba ni Keon a saan nga agatendar dagiti department heads ket agballatek met laeng kenkuana.
Maipalagip nga iti napalabas a lawas ket saan manen a natuloy ti budget deliberation gapo iti kumikom dagiti sumagmamano a konsehal.
