LAOAG CITY – Maiyuswat ti budget hearing ti Sanggunian Panlalawigan iti sumaruno a lawas.
Segun ken ni Sanggunian Panlalawigan Member Atty. Donald Nicolas, ti chairman ti Committee on Appropriations a maiyuswat ti budget hearing iti uneg ti tallo nga aldaw manipod Nobiembre 17-19.
Inbatad na a nasaysayaat nu nasapsapa ti pannakatratar ti budget para iti probinsya tapno maadal a naimbag pakaiyalokaran daytoy.
Inpakaammo na a kangrunaan a pakailatangan ti pondo ket iti nagduduma a departamento nga isu ti katulungan iti panagdur-as ti probinsya.
Mainaig iti daytoy, kuna na a mapakaamoan dagiti amin nga opisina iti schedule a panagatendar da iti panagdenggeng ti junta probinsya.
Immuna iti daytoy, inpakaammo ni Nicolas a ti deliberasyon ket idauloan ti local finance committee provincial treasurer’s office, provincial development and planning office ken ti provincial accounting office.
