LAOAG CITY – Umabot iti 300 a milyon a pisos ti budget para iti mapaspasangasangan a Palarong Pambansa 2025 ditoy probinsya.
No pay kasta kalikagom ti Gobierno Probinsyal a saan kuman a gumastos ti dakkel a gatad isu nga ikagkagumaan da ti agkiddaw ti tulong manipud kadagiti nagduduma nga ahensya, kas iti tulong manipud iti Gobierno National, dagiti partnership companies ken pribado a sektor.
Malaksid iti Palarong Pambansa ket matulongan pay dagiti babassit a negosyo tapno maidiaya dagiti produkto da.
Kabayatanna, mangrugi ti Palarong Pambansa 2025 inton Abril 24 agingga Mayo 1, 2025.
