LAOAG CITY – Inbatad ni 1st District Congressman Sandro Marcos a karbengan dagiti Pilipino a maipaayan ti budget transparency.
Segun kenni Marcos, no ania ti demand wenno kalikagom ti publiko ket masapol nga isu met ti maipaay.
Inlawlawag na a daytoy ket gapo ta ti Kongreso ket nasken a sumurot ken agserbi kadagiti tattao.
Kunana a ti Kongreso ket rumbeng nga agsungbat iti publiko isut gapo na a no ania ti kalikagom dagitoy a mailivestream ti Bicam conference para iti pannakaipasa ti pondo ket nasken a sumurot dagiti agpanpanday linteg.
Maipalagip a nangrugi ti isyu ti insertion gapo kadagiti anomalya iti flood control project ditoy pagilyan isut gapo na a kalikagom ti publiko a mas transparent ti pannakaipasa ti budget.
