LAOAG CITY – Temporaryo a napaserraan ti sibubukel a building nga ayan ti Call Center nga Alorica iti Barangay 1 iti ili ti San Nicolas.
Daytoy ket kalpasan nga adda dagiti sumagmamano nga agtrabtrabaho iti nasao a kompanya a nagpositibo ti covid-19.
Mismo a ti Municipal Health Officer a ni Dr. Sinanar Abando iti ili ti San Nicolas ti maysa kadagiti napan nakisarita kadagiti empleado ken mangimatmaton kadagiti pasdek negosyo nga adda iti nasao a building.
Naiget met ti panagbantay dagiti kameng ti pulisya iti nadakamat a lugar kabayatan ti pannapaserra ti nasao a building.
