LAOAG CITY – Bumasbassiten dagiti mangayat nga agbalin a Sang Kabataang chairman ken kagawad ditoy probinsya.
Daytoy ti kinumpirmaran ni Atty. Gerald Gallardo, Provincial Director ti Department of the Interior and Local Government ditoy Ilocos Norte.
Patien ni Gallardo nga adda dagiti agtutubo a kaykayat na ti agresign iti pwesto da gapu ta kalikagom da nga ipursigi ti karera da wenno tutukan ti panagadal da.
Inbatad na a saan da a mabalin a lapdan dagitoy iti baet a dakkel ti epekto na iti uneg ti barangay aglalo ket saan a dagus a malitupan dagiti mabakante a posisyon.
Maipalagip nga adda dagiti immuna a report nga ado dagiti nagresign nga SK chairman kadagiti sumagmamano nga ili ditoy probinsia nangruna ditoy ciudad ti Laoag.
