LAOAG CITY – Inbatad ni Ms. Ruby Felipe, contact tracing team leader dtoy ciudad ti Laoag a bumasbassiten dagiti agpabpabakuna kadakuada kontra iti covid-19 virus.
Segun kenni Felipe, adda pay dagiti aldaw a nakurang a 50 nga indibidual ti mapmapan agpabpabakuna.
Kunana a daytoy ket bassit a bilang no idasig iti napalpalabas a tawen no sadinno ket umabot iti 100 agingga iti 200 nga indibidual ti mabakbakunaan.
Kabayatanna, inbatad ni Felipe a nagbalin a dakkel a tulong ti naisayangkat a panagirenew ti business permit dagiti residente gapo ta inmandar da a kasapulan nga agpabakuna amin nga business owners.
Inpakaamo na nga gapo iti daytoy ket ado dagiti napilitan a nagpabakuna.
Iti agdama, inrakurak na nga adda ti duay nga aktibo a kaso ditoy ciudad ken manamnama a makalaingan da iti sumarsaruno nga aldaw.
