LAOAG CITY – Nagbalaag ti Bureau Fire Protection iti ili ti Solsona kadagiti residente kalpasan nga adda nauram a maysa a parol bayat iti naangay a christmas lighting.
Segun iti Bureau Fire Protection iti nadakamat nga ili, bayat a nalpas ti panagpasilaw kadagiti parol ket nagrisak ti maysa nga outlet a nakaisaksakan ti nasao a parol, no sadinno a nagruguyan ti uram.
Naamuan a dagiti nausar a materyales ti parol ket ket light materials kas iti garami ken kawayan, rason no apay nga alisto anagyamyam ti apoy.
Nu pay kasta sigod met a nagresponde dagiti kameng ti Bureau Fire Protection iti ili ti Solsona.
Kabayatanna, awan met ti nadangran iti nasao nga uram ken kasta pay a sigod met a nasukatan ti nadakamat a parol.
Kamudianna, nagballaag ti Bureau Fire Protection a kangrunaan a kitan a nalaing dagiti pagisaksakakan tapno ti kasta ket awan iti mapasamak nga uram.
