LAOAG CITY – Inpannakkel ti Bureau of Customs a dumanonen iti nasurok P5 a bilyon a balor dagiti iligal a vape products ti nakumpiskarda ita a tawen.
Ti nasao a balor ket resulta iti napaigetan a kampaniada kontra kadagiti iligal a vape products ditoy pagilian.
Idi Abril ket dinadaelda ti dumanon iti 14,100 a karton dagiti vape products nga agbalor ti P1.5 a bilyon a nakumpiskarda iti siudad ti Valenzuela idi pay Oktubre 2023 idinto nga idi Agosto ket addaan ti 28,200 a karton dagiti vape products ti dinadaelda.
Agtultuloy ti iwaywayatda a panagbantay tapno ipatungpal ti Vaporized Nicotine and Non-Nicotine Products Regulation Act and the Customs Modernization and Tariff Act.
Kabayatanna, kadua ti Bureau of Internal Reveneu (BIR) ken Department of Trade and Industry (DTI) iti nasao nga operasion.
