LAOAG CITY – Inrakurak ti Bureau of Customs (BOC) nga awanen ti backlog kadagiti naabandonar a balikbayan boxes kalpasan a naideliber dagitoy kadagiti agtagikua.
Daytoy ti inrakurak ni Bureau of Customs Deputy Chief of Staff Atty. Chris Noel Bendijo.
Maipalagip nga idi Mayo ket nagpila ti Bureau of Customs ti criminal complaint iti Department of Justice kontra iti cargo firm a Makati Express Cargo, Inc. (MECI) gapu iti maipagarop a pannakaabandonar iti 36,826 a balikbayan boxes.
Kabayatanna, mangnamnama ni Bendijo nga ad-adda pay a mapasayaat ti serbisyo ken tulong kadagiti Overseas Filipino Workers mainaig kadagiti ipatpatulod da a balikbayan boxes kalpasan a nagpirma ti Bureau of Customs ken Commission on Filipinos Overseas ti memorandum of agreement iti napalabas a bolan.
