LAOAG CITY – Inserbi ti Bureau of Customs (BOC) ti search warrant kadagiti sanikua ti pamilya Discaya iti Pasig City partikular kadagiti adda iti F. Manalo Street.
Gagem ti nasao nga addang ti pannakainspeksyon dagiti luxury vehicles ti pamilya Discaya.
iti naipatungpal a search warrant, dua laeng kadagiti 12 a luxury cars ti nakita dagiti otoridad.
Segun kenni BOC Chief of Staff Jek Casipit, ti laeng maysa a Toyota Land Cruiser ken maysa a Maserati yi nakita iti lugar idinto a ti maysa a lugan a nakalista iti warrant ket awan.
Iti laksid a 28 ti inadmitir ni Discaya, 12 laeng a luxury cars ti nakailanad iti search warrant — dagiti behikulo nga awan ti rekord na iti Customs.
Karaman kadagit nakalista dagiti high-end lugan kas Rolls Royce Cullinan, Mercedes-AMG G63, Bentley Bentayga, ken Lincoln Navigator.
Kuna pay ni Casipit a namindua a daras da a ginandat nga iserbi ti warrant idi Lunes ti rabii ngem saan da a nakastrek isut ken itay bigat da laeng a napalubusan a simrek ken nangiyuswat ti inspeksyon.
Iti rakurak ti Bureau of Customs, naiget na a labanan ti smuggling kageddan ti panangipasigurado na ti husto a koleksyon iti buwis kas nakaiyataday iti Customs Modernization and Tariff Act (CMTA).
Mainaig iti daytoy, inbatad ti ahensya a saan da a makaited ti detalye iti manarimaan nga imbestigasyon ngem inpasingked na a suruten da ti proseso.
Maipalagip nga it pannakaiyuswat ti hearing iti Senate Blue Ribbon Committee ket inbatad ni Sara Discaya nga addaan isuna ti 28 luxury cars, ngem inbutaktak ni Senator Tito Sotto a maysa kadagiti dinakamat ni Discaya a dealers ket nairaman idin iti kaso ti smuggled vehicles.
