LAOAG CITY – Nakakolektar ti Bureau of Customs (BOC) ti P931.046 bilyon a birok idi 2024, nangatngato ngem iti 2023 collection nga P874.166 billion.
Inbatad ti Bureau of Customs a naartapan ti revenue targets iti nasao a tawen dagiti sumagmamano a ports kas ti Legazpi, Tacloban, Ninoy Aquino International Airport, Clark ken Cagayan De Oro.
Nakaukkon ti Bureau of Customs ti nayon a P2.710 bilyon iti birok daytoy iti babaen ti post-clearance audits ken voluntary disclosure applications.
Naammoan a dumanon iti P13.238 bilyon ti koleksion ti Bureau of Customs manipud iti Tax Expenditure Fund manipud iti government importations.
Nakatulong ti koleksion ti Bureau of Customs iti panangpundo kadagiti napapateg a serbisio ti Marcos administration.
