LAOAG CITY – Nakitaripnong ita nga aldaw iti Independent Commission for Infrastructure ti Bureau of Customs mainaig kadagiti 13 a luxury cars a maipagarup a kukua ti agasawa a Discaya a nakitaan ti kinakurang dagiti dokumento.
Segun ken ni Bureau of Customs Commissioner Ariel Nepomuceno, tutukan ti ahensiada dagiti inangkat wenno in-import dagiti kontratista tapno siguradoen no husto ti binayadan a buis ken kumpleto ti papeles.
Innayon pay ni Nepomuceno, maipadalan metten iti panangtingiting ti top 15 a kontratista a dinakamat ni Presidente Ferdinand Marcos Jr.
Kabayatanna, iti baet a manamnama nga agbayag ti proseso para iti daytoy, kasapulan daytoyen a marugian.
