LAOAG CITY – Naragsakan ti Bureau of Customs (BOC) ti panagngato ti koleksion iti umuna a bulan ti tawen 2025.
Basar iti Bureau of Customs nga addaan ti P79.343 a bilyon ti revenue collection-da idi Enero.
Ti nasao a gatad ket nangatngato ngem iti target-da a P78.015 a bilyon wenno 1.70 percent a nangatngato ngem iti monthly target collection.
Nangatngato pay daytoy ti 8.10 percent maidasig idi Enero 2024 nga addaan ti P73.397 a bilyon ti nakolektar.
Naammoan a sumagmamano kadagiti rason iti daytoy ket ti panangpaigetda iti border security ken ti panangpapigsada iti panangkolektar ti buis kadagiti produkto.
