LAOAG CITY – Numero uno ti Bureau of Customs Port of Aparri a collection district iti intero a lubong.
Segun kenni District Collector Elenita Abaño, iti port of Aparri, naartapan da ti 71 a milyon a pisos a target collection da iti bulan ti Enero agingga iti Marso ita a tawen.
Kunana nga iti umuna a kwarter ita a tawen ket 187 a milyon a pisos ti nakolektarda wennu 145%, nangatngato ngem ti kasapulan a kolektaren da.
Patien na a nagun-od da daytoy babaen ti naiget a suporta ken kooperasyon dagiti stakeholders ken dagiti empleyado.
Kabayatanna, inpakaammo na a daytoy ket milestone accomplishment gapu ta sipod pay idi 2022 ket maibilang a billionares port ti Aparri.
Immuna iti daytoy, sinelebraran ti nasao nga ahensya partikular ti port of apari ti maika-17 nga anibersaryo da ditoy probinsia nga inatendaran dagiti sub-port.
