LAOAG CITY – Nagsardengen ti Bureau of Fire Protection (BFP) nga agrasyon ti danum kadagiti nagduduma a barangay iti ili ti Solsona.
Segun ken ni Mayor Joseph De Lara, iti nasao nga ili sipud idi nangrugi ti panagtutudo ket in-inot a naaddaan ti danum dagiti bubonda.
Iti agdama ket banbantayan da ken isagsaganaan da ti panawen ti La Niña.
Kabayatanna, agtultuloy met ti panag-quarry da kadagiti karayan ken saan a mabalin a masagid dagiti asideg ti embarkment, isu nga inikkan da dagitoy iti pagilasinan tapno saan nga agturong kadagiti babbalay ti danum no inkaso a ngumato manen ti danum iti nadakamat nga ili.
