LAOAG CITY – Inpakammo ni Fire Officer 3 Lee Jay Lucero, Public Information Officer ti Bureau of Fire Protection (BFP) ditoy probinsya a manarimaan ti public information campaign para iti Oplan Paalala, Iwas Paputok.
Segun kenni Lucero, ditoy a makita dagiti a bombero kast pay ti fire truck visibility no sadinno dagitoy ti mangiyus-uswat ti kampanya para iti pannakaliklik ti uram ken anyaman nga emerhensya iti holiday season.
Inbatad na a maysa kadagiti wagas tapno maliklikan dagitoy ket ti saan a panagusar ti paputok no diket agusar laengen ti alternatibo kas iti paputok.
Kunana pay a nasken a liklikan ti agusar kadagiti Christmas lights nga awan ti tatak na nga ICC wenno saan nga aprubado ti Dept. of Trade and Industry (DTI).
Mainaig iti daytoy, inbatad na a kas naigagangay iti panawen ti paskua ket adda latta dagiti agpaputok isut gapo na nga iti kada barangay wenno lokal a gobierno ket adda ti idesignar da a fire cracker zone a nangrugi sipud iti napalabas nga administrasyon.
Karaman met kadagit maiparit ngausaren a paputok iti panangselebrar ti paskua ken panangsarabo ti baro a tawen ket ti piccolo, pop-pop, boga ken dagiti napipigsa a paputok.
Kabayatanna, kunana nga addan to met ti maiyuswat a surprise inspection da kadua da ti Philippine National Police kadagiti aglaklako ti paputok malaksid pay iti balakad da kadagitoy no anya laeng dagiti mabalin da nga ilako.
Kadagiti aglabsing iti daytoy ket mabalin nga agmulta ti 20 agingga iti 30 a ribo a pisos ken mabalod iti innem a bulan agingga iti makatawen, ken makumpiskar dagiti lako da.
Maipalagip nga iti napalabas a tawen ket adda ti maysa a naglako ti paputok a naglabsing partikular ditoy ciudad ti Laoag.
