LAOAG CITY – Naka-heightened alert ti Bureau of Fire Protection ditoy probinsya para iti Palarong Pambansa 2025.
Daytoy ti inbatad ni Fire Supt. Roxanne Parado, ti provincial firemarshall iti Bureau of Fire Protection ditoy probinsya.
Inpakaammo na a katulungan dagiti kameng ti Bureau of Fire Protection ti Philippine National Police nga agbantay tapno masigurado ti seguridad kangrunaan dagiti billeting areas ken venue iti Palarong Pambansa.
Kuna ni Parado nga addan ti immuna a panaginspeksyon da kadagiti billeting areas ken venue iti Palarong Pambansa tapno maamoan no adda ti fire extinguisher nga usaren da no bilang adda ti mapasamak nga uram.
Malaksid iti daytoy, inpasigurado ni Parado nga amin a billeting areas ket adda ti agbanbantay a kameng ti Bureau of Fire Protection no sadinno a maysa kadagiti kitaen da ket ti pagpondoan ti danom nga usaren dagiti delegado.
