LAOAG CITY – Inbatad ti Bureau of Immigration a naannayas ken awan ti nagbalin a problema iti panangobserbar ti Holy Week iti Ninoy Aquino International Airport.
Segun ken ni Bureau of Immigration spokesperson Dana Sandoval, dakkel a tulong ti pannakaiwaras dagiti biyahero ken kaadoan kadagitoy ket nagbiyahe a nasapsapa.
Inpakaammo ni Sandoval a sakbay pay ti semana santa ket nangiwarasen ti Bureau of Immigration ti 48 a nayun ti personnel iti erupuerto nga addaan ti mapatta-patta a 1.18 a milyon a pasahero kabayatan ti Holy Week.
Innayon ni Sandoval a naobserbaran na a ti baro nga Overseas Filipino Workers Wing iti erupuerto ket dakkel ti naitulong na iti pannakaalay-ay ti panagdudupudop dagiti naruay a pasahero.
