LAOAG CITY – Nadukatalanen ti Bureau of Immigration (BI) ti modus nga inaramat ni self-confessed former Davao Death Squad hitman Edgar Matobato tapno makatalaw ditoy Pilipinas.
Immuna iti daytoy ket naduktalan ti panagtalaw ni Matobato ditoy pagilyan ken nagturong iti sabali a lugar iti babaen ti panagusar na ti pasaporte a saan a nakainagan kenkuana.
Segun iti Bureau of Immigration spokesperson Dana Sandoval, nabigbig ti ahensiya ti modus nga inusar ni Matobato, agraman ti nagan nga inusar na tapno makarwar ditoy pagilyan, ngem segun iti ahensya mannarimaan pay laeng ti panangberipika da iti impormasyon nga iggem da.
Kunana a masapul nga isubmitir da ti impormasyon iti ‘proper authorities’ sakbay a maipublikar daytoy.
Maipalagip nga inbutaktak ti maysa nga international news organization a nakabase idiay Estados Unidos, nga adda dua a padi a timmulong ken ni Matobato tapno makatalaw ditoy pagilyan ken maipagarup a nagturong idiay Dubai. Mnaipud Dubai, ket nagbiyahe man daytoyen iti saan pay lugar nga agpapan ita ket itre-trace pay laneg ti Bureau of Immigration.
