LAOAG CITY – Nagballigi dagiti kameng ti Bureau of Immigration a nanglapped iti maysa a maipagarop a surrogate mother a pumanaw koma iti pagilian.
Basar iti ahensya, nagturong ti indibidwal iti Ninoy Aquino International Airport Terminal 3 kas maysa a solo traveler.
Ti biktima ket agtawen ti 34 a nangipresentar ti maysa nga imbitasyon manipod iti maysa a vitro fertilization (IVF) clinic.
Nagatap dagiti kameng ti Bureu of Immigration gapu ta saanna a masungbatan dagiti simple a saludsud kenkuana dagiti personnel da.
Kalpasan ti sumagmamano a gundaway ket inadmitir na nga adda ti nangidiaya kenkuana ti 300 ribo a pisos kasukat ti panagsikog na ken ipaay na iti gangannaet apaman a maipasngay na.
Segun iti ahensya, agtultuloy ti panagngato ti bilang dagiti human trafficking para iti surrogacy ken punpuntiryaen dagitoy dagiti agbirbiruk ti trabaho iti online.
Kabayatanna, naiturnover metten ti babai a biktima iti Inter-Agency Council Against Trafficking (IACAT) para para iti pannakaipaay kenkuana ti maiyannatop a tulong.
