Rugyanen ti Bureau of Internal Revenue (BIR) ti agikabil kadagiti tax stamps kadagiti vape products ita a lawas.
Inbatad ni Atty. Venus Gaticales, Chief of the Bureau of Internal Revenue Excise Large Taxpayers Field Operations Division, a ti addang ket kas metlaeng kadagiti ar-aramiden da a panagikabil ti tax stamps kadagiti imported a sigarilyo.
Inpasigurado na nga agbalin nga istrikto ti gobyerno iti panangiyimplementar ti baro a Vape Law para iti proteksyon dagiti ubbing ken ngumato ti tax collection.
Iti nasao a baro a vape law a maipatungpal mangrugi ita a bolan ti Hunyo ket mangnamnama ti Bureau of Internal Revenue a manayunan ti makolektar da a buwis.
