LAOAG CITY – Nakipagpaset ti Bureau of Jail Management and Penology wenno BJMP iti naiwayat a coastal clean-up drive iti Barangay Gabu ditoy cuidad Laoag.
Timmulong ti 11 a personnel ti Bureau of Jail Manangement and Penology iti nasao nga aktibidad.
Segun kenni , Inspector Shiela Marie D. Sapaden ti Jail Warden iti Bureau of Jail Management and Penology Laoag City daytoy nga aktibidad ket mangtulong a mangprotektar iti aglawlaw kangrunaan na ti baybay.
Kunana a daytoy nga aktibidad ket mainaig iti selebrasion ti Zero waste month 2024 nga inorganisar ti Deparment of Environment and Natural Resources (DENR)
Maipalagip a naideklarar ti bulan ti Enero kas National Zero Waste Month a panggepna a maitandudo ti panagtignay kadagiti residente ti pannakipaset ti publiko iti pannakapadur-as dagiti nasional ken lokal nga agtibidad babaen ti panagkaykaysa para iti ecological waste management programs.
