LAOAG CITY – Inbatad ti Bureau of Plant Industry (BPI) nga agtalinaed nga umdas ti suplay ti sibuyas iti pagilyan para iti panawen ti paskua.
Basar iti Bureau of Plant Industry, adda ti 16,000 a metriko tonelada ti sibuyas ti naipalubos nga angkaten ti pagilian agingga iti Disyembre ita a tawen.
Ti maangkat a sibuyas ket maiparuk-at kadagiti merkado kagiddan ti panagngato ti demand iti produkto gapu iti kaado dagiti agpasken.
Inpakaammo ti Bureau of Plant Industry nga apaman a madanun met ti bolan ti Enero ket mangrugin nga agpit dagiti local farmers.
Iti agdama, agay-ayam iti P80 agingga iti P120 ti kada kilo ti presyo ti nalabbaga a sibuyas bayat nga apagapaman a ngimmato ti presyo ti puraw a sibuyas.
