LAOAG CITY – Dinayyeg ti magnitude 5.3 a gingined iti akin amianan a laud iti ili ti Burgos agarup alas-nuebe y media ti rabii.
Segun ti Philippine Institute of Volcanology and Seismology Earthquake Information No. 1, napasamak ti panagdayyeg iti 68 a kilometro iti amianan a laud ti nasao nga ili.
Addaan iti 33 a kilometro a kauneg ti panagdayyeg ken tectonic ti namunganayan ti gingined.
Basar iti mapa ti Phivolcs, napasamak daytoy iti baybay.
Manamnama a maaddaan ti aftershocks rason nga agtultuloy ti panangmonitor ti nasao nga ahensya.
