LAOAG CITY – Manarimaan ti pannaka-screen dagiti burias ditoy Ilocos Norte.
Daytoy ti inbatad ni Doctor Loida Valenzuela, ti Provincial Veterinarian ditoy probinsya.
Segun ken ni Valenzuela, gagem ti iyus-uswat da nga screening kadagiti burias ket tapno masigurado a dagitoy ket lehitimo a napatanur ditoy Ilocos Norte.
Innayon na a maalaan ken maeksamen nga umuna ti dara dagiti burias sakbay a maikabil kadagiti lehitimo a farm.
Kabayatanna, inpakaammo ni Valenzuela nga iti uneg ti 500 a metro manipod iti naapektaran ti African Swine Fever (ASF) virus ket saan da paylaeng a mabalin ti agtaraken ti baboy agingga nga agredwar da manipod iti pink zone.
