LAOAG CITY – Inpasigurado dagiti Bus Company ditoy probinsya a natalged dagiti pasaheros nga agbiyahe.
Segun kenni Engr. Neil Jose, Manager ti Florida/GMW Bus Company, saan da a palubusan nga agbiyahe dagiti bus no maymaysa laeng ti driver.
Inbatad na a naiget pay a mains-inspek ti makina, ligay ken preno dagiti bus.
Kunana nga adda ti “round trip” nangruna ket ado dagiti pasaheros ngem pagin-inanaen da pay laeng dagiti driver ti uppat agingga iti lima nga oras sakbay nga agbiyahe.
Naamoan a nangrugin nga umadon dagiti pasaheros kadagiti bus terminal.
