LAOAG CITY – Paglikudan ni Sherwin Abunada Y Rundarin, agtawen 43 naasawaan, driver ti bus ken residente ti Bgy. 11, Laoag City a kukua na dagiti naala kenkuana a maysa a bassit ken maysa a panakkel nga heat seald plastic sachet a naglaon iti maatap a shabu ken sangaribo a pisos a marked money bayat ti illegal drug buy bust operation ti PNP-Laoag.
Segun ken ni Abunada, saan na a kukua dagiti naala kenkuana gapu ta immuna a nagpammarang a taga INEC dagiti operatiba ti PNP Laoag kalpasan na ket ginammatan da lattan daytoy.
Kuna na nga idi ket agpayso nga agus-usar ti maipawil a droga ngem marijuanan laeng ken nabayagen a saan a nagusar ken saan daytoy a nagsurender.
Kabayatan na, inpetteng ni SPO 3 Harold Nicolas Hepe ti Intelligence Div. ti PNP Laoag ken nangidualo ti operasyon, a maibilang ni Abunada iti target list, street level category ti pulisya.
Segun ken ni Nicolas, adda koneksiyon ni Abunada kadagiti immun-unan a natiliwan a driver ti bus.
Kuna na a no paglikudan ti suspek dagiti naala kenkuna ket karbengan an daytoy ngem ipila da latta ti kaso a panagsalungasing iti panaglako ti maipawil a droga.
