LAOAG CITY – Plano ti Business Permit and Licensing Office ditoy ciudad ti Laoag a limitaran dagiti maipaay a business permit kadagiti peddlers.
Daytoy ti inpakaamo ni Ms. Antonette Bareng iti Business Permit and Licensing Office wenno BPLO.
Inbatad daytoy ni Bareng kalpasan a naobserbaran na nga ado dagiti peddlers ti agkakaiwara iti centro ditoy ciudad nu saddino a patien na nga isu ti maysa a rason a makaitunda ti panagirot ti trapiko.
Gapo iti daytoy, inpakaammo na a manarimaan a kitkitaen da no kasano a malimitaran daytoy.
Iti agdama, inbatad ni Bareng nga adda ti 118 a nakarekord a peddlers ngem ado pay dagiti sumsumrek a mangala kadagiti permit da ken idi nagsursor ket ado pay dagiti naduktalan na a peddlers nga awan permit na.
Segun pay kenni Bareng, adda dagiti naisyuan ti business permit na kas peddler ngem naka-steady met ti pwesto da.
Kabayatanna, inrakurak pay ni Bareng a kallikagum da a mangipublikar ti sabali pay a klase ti permit kangrunaan ti seasonal permit a para kadagiti babassit laeng ti lako na iti sangwanan ti balay da ou saddino nga iti agdama ket peddlers permit ti iggem da.
Dinakamat na a seasonal permit ket mangipapasimudaag a dagitoy ket aglaklako laeng ti sumagmamano a bulan.
Inpakaamo na a saan na pay a naibaga daytoy iti konseho ken planplanoen na pay laeng iti mangisubmitir iti rekomendasyon.
