LAOAG CITY – Saan a kasapulan ti business permit dagiti aglaklako iti halo-halo ken street foods ditoy ciudad ti Laoag.
Daytoy ti inbatad ni Doctor Melvin Manuel, ti mangidadaulo iti Business Permit and Licencing Office (BPLO) ditoy ciudad ti Laoag.
Inlawlawag ni Manuel a ti laeng kasapulan nga alaen dagiti maseknan nga aglako ket special permit ken ti health certificate.
Inbatad na a ti special permit ket agpaot laeng agingga iti dua a bolan.
Reaksyon daytoy ni Manuel kalpasan nga adda dagiti agrekreklamo gapu ti kaawan ti business permit dagiti aglaklako ti halo-halo ken street foods iti paset ti Barangay Gabu ditoy ciudad ti Laoag.
