LAOAG CITY – Dinutukan ni President Ferdinand “Bongbong” Marcos Jr. ti business tycoon a ni Francisco Tiu Laurel Jr. kas baro a sekretaryo ti Department of Agriculture (DA).
Indaulwan met laeng ti Marcos ti panagsapata ni Laurel iti Malakanyang itay bigat.
Segun kenni Marcos, nakabiruken ti maysa nga indibidual a makaawat iti problema a sangsangwen ti sektor ti agrikultura ita a gundaway.
Sukatan ni Laurel ni Marcos, a nagserbi kas Agriculture secretary sipud nagasumer kas presidente iti napalabas a tawen.
Inlawlawag ni Marcos a ti rason no apay nga isuna pay laeng ti nagserbi a nangrugi iti nadakamat nga ahensya ket gapo ta adda dagiti nagduduma a banag a ti laeng makaaramid ket ti kangatoan nga opisyal.
Naamoan a ni Laurel ket maysa kadagiti nagidonar iti presidential bid ni Marcos idi 2022 no sadinno nakaipaay daytoy ti 30 a milyon a pisos.
Kabayatanna, inbatad ni Marcos a ti kangrunaan a mandar na kenni Laurel ket ti pannakakontrol ti panagngato ti presyo dagiti produkto a pang-agrikultura. Innayon met ni Laurel nga itultuloy na ti kalikagom ken programa ni Marcos iti sektor ti agrikultura.
