LAOAG CITY – Inbilin ti Court of Appeals (CA) ti pannakai-freeze kadagiti bank account ken personal assets ni suspended Bamban, Tarlac Mayor Alice Guo ken dua a dadduma pay gapu iti pakainaigan kadagiti illegal activities iti Philippine offshore gaming operation.
Basar iti Anti-Money Laundering Council (AMLC), nangiruar ti resolusion ti Court of Appeals idi Mierkoles, Hulio 10 wenno maysa nga aldaw kalpasan a nangipila ti petision ti Anti-Money Laundering Council para iti freeze order.
Inbatad ti Anti-Money Laundering Council, da Guo, Zhiyang Huang ken Baoying Lin ket suspected of orchestrating human trafficking and fraudulent activities through entities kas kada Zun Yuan Technology Inc., BAOFU Land Development Inc., ken Hongsheng Gaming Technology Inc.
Iti agdama, awan pay ti komento ti kampo ni Guo maipapan iti daytoy a banag.
Sakupen ti freeze order ti 90 a bank accounts kadagiti 14 a financial institutions, sumagmamano a real estate properties ken high-value personal properties kas ti luxury vehicles ken helicopter.
Kabayatanna, inpakaammo ti Anti-Money Laundering Council a dagiti tallo nga indibidual a sakupen iti pammilin ket adda ti pakainaiganna kadagiti iligal nga aktibidad pakairamanan ti unauthorized Philippine Offshore Gaming Operators iti Zun Yuan Technology Inc.
