LAOAG CITY – Agtultuloy ti imbestigasion ti Civil Aviation Authority of the Philippines (CAAP) ti panagsuek ti maysa nga helicopter iti karayan ti Sitio Arimung-mong, Barangay San Miguel, Guimba, Nueva Ecija agarup alas singko ti malem idi kalman, Pebrero 1.
Basar iti report ni Lt. Col. George Calauad Jr., Guimba Chief of Police, narekobre manipud iti crash site ti bangkay ti maysa a babai a nabigbig a ni Julia Flori Monzon Po, agtawen ti 25 residente idiay Parañaque City.
Basar iti Civil Aviation Authority of the Philippines, nakaawat ti Philippine Aeronautical Rescue Coordination Center ti adu nga emergency alert.
Inpatulod met ti Aircraft Accident Investigation and Inquiry Board lead investigator a ni Col. Rhomel Ronda (ret.) tapno maduktalan ti makaigapu iti panagsuek ti helicopter.
