LAOAG CITY – Saan a basol ti management ti Civil Aviation Authority of the Philippines (CAAP) ti Laoag International Airport (LIA) no apay nabayag ti pannakaited ti suweldo dagiti 55 a “blue guard” wenno guwardiya ti Merit Security Agency a nakawaras kadagiti lima nga airport ti Region 1 karaman ti ciudad ti Baguio.
Pinasingkedan daytoy mi Mr. Ronald Estavillo Manager ti nasao nga erpuerto.
Segun kenkuana, basol met lang ti nasao a Security Agency no apay a maibaybayag ti pannakaited ti suweldo da gapu ta mabaybayag met ti panangited da kadagiti dukomomento a kasapulan da kasanguanan a paruk-atan da ti pundo.
Inpetteng ni Estavillo nga adda ti pundo a para ti suweldo dagiti nasao a guwardiya ngem gapu iti nasao a rason ket isu ti pakaibaybayagan na ngem agsusuweldo da babaen iti panangibaklay ti nasao a security agency.
Kuna pay ni Estavillo a ti naudi da a suweldo nga inted ti opisina da ket idi pay laeng bulan ti Sept. itay tawen 2017.
Daytoy ti rason a kasarsarita da dagiti guwardiya tapno saan a maapektaran ti panagserbi da.
