LAOAG CITY – Inpublikaren ni Batangas 1st District Representative Leandro Legarda Leviste ti “Cabral Files” a mangidetalye iti ₱721 billion a gatad ti proyekto iti babaen ti 2025 National Expenditure Program ti Department of Public Works and Highways (DPWH).
In-post ni Leviste ti Cabral Files iti official facebook page-na ken ipakpakitana ti sumurok ₱401 Billion nga allocable budget para kadagiti District Congressmen, ₱14 Billion pesos met ti proposed ti Party-lists ken ₱20 Billion pesos ti proposed kadagiti Senador.
Dinakamatna a ₱161 Billion ti balor dagiti mapagat-atapan a proyekto a kaaduan ket flood control projects nga addaan kadagiti tag nga OP (ES/SAP), F1, BINI10, OT 2, LEADERSHIP ken CENTI2025.
Innayonna a ti ₱213 Billion a Department of Public Works and Highways projects a napundoan manipud iti Unprogrammed Appropriations idi 2023 ken 2024.
