LAOAG CITY – Naragsak nga inburay ni Mr. Allan Ventura, akinkukua ti maysa a cake shop ditoy siudad ti Laoag gapu ta manipud iti dati a sangapulo a branch-da ket nagbalinen a 19.
Segun kenkuana, addan ti dua a tawen ti napalabas sipod idi in-inot a dimmakkel ti negosioda iti cake.
Inbatadna a pagtalinaedenda ti napintas a panagserbida kadagiti kustomerda tapno ad-adu pay dagiti mangayat iti panaggatang ti cake kadakuada.
Kunana a ti negosio ket saan a masinunuo ti sumaruno a mapasamak ngem masapol laeng ti kankanayon a panagbalin a positibo tapno saan nga agballigi ti aniaman a problema.
Inlawlawagna nga apaman nga adda dagiti tumaod a problema iti panagpataray iti negosio ket nasken a dagus a masolbar tapno saan pay a kumaro wenno dumakkel ti parikot.
Innayonna nga iti baet nga adu ti mangibagbaga kenkuana nga isuna ket naballigi iti panagbiag ngem para kenkuana ket adu pay ti masapol a paneknekanna.
