LAOAG CITY – Saan a mailadawan ti ragsak ti Calabarzon kalpasan a nagback-to-back champion da iti chess para iti Palarong Pambansa.
Inbatad ni Mr. Mario Zantua, ti Division Sports Officer- Sta Rosa Calabarzon a ti patienna a rason no apay nagbalin da manen a kampeon iti chess ket gapu kadagiti agkakalaing a coaches ken trainer.
Inpasingked ni Zantua a saanda pulos nga ipalubos a maagaw ti sabali a rehiyon ti titulo ti Calabarzon iti chess isut gapuna a saganaan da manen a naimbag ti pannakilaban da iti sumaruno a Palarong Pambansa.
Nagyamanan met ni Zantua dagiti coaches’ ken trainer gapu iti ado a rigat ken anusda a nangbayabay kadagiti atleta a nangitunda iti panagballigi da.
