LAOAG CITY – Desidido ni California Governor Gavin Newsom a mangipila ti kaso kontra iti administrasion ni United States President Donald Trump.
Daytoy ket kalpasan a nangiwarasda kadagiti National Guard a saan man laeng a naipakpakaammo kadakuada.
Inpettengna nga iligal ti inaramid ni Trump a mandarin lattan ti National Guard.
Inlawlawagna a no naaramidna daytoy idiay California ket saan nga adayo a maaramidna met daytoy kadagiti dadduma pay nga estado ti Amerika.
Maikanniwas iti Konstitusion ti Estados Unidos ti nasao a panangiwaras ni Trump ti National Guard.
Maipalagip nga inwaras ni Trump ti National Guard tapno lapdan dagiti agiwaywayat ti tignay protesta kontra iti immigration policy ti Estados Unidos.
