LAOAG CITY – Inpasingked dagiti senior officials iti Cameroon nga awan ti problema iti salun-at ni President Paul Biya.
Daytoy ket kalpasan nga adda dagiti agwarwaras nga ispekulasyon a saanen a nasayaat ti kondisyon ti salun-at ti agtawen ti 91 a presidente gapu ta nabayagen a saan a nagpakita iti publiko.
Naamoan a ni President Paul Biya ket nangrugi a saan a nakita iti publiko idi Setyembre 8 ita a tawen kalpasan ti panagatendar na iti China-Africa forum idiay Beijing.
Gapu iti daytoy ket adon dagiti aktibidad a saanna a naatendaran kas ti United Nations General Assembly idiay New York.
Iti statement ti mangidadaulo ti Cameroon’s civil cabinet, inpasigurado na nga awan ti problema ti salun-at ni Biya ken kinondenar na dagiti “mischievous individuals” nga agiwarwaras ti saan a nasayaat kontra iti salun-at ti presidente ken adda pay ti rimuar a damag a pimmusayen ti kangatoan nga opisyal iti nasao a pagilian.
