LAOAG CITY – Nakagun-od ti world record ti maysa a Cancer Survivor idiay United Kingdom kalpasan a nangisayangkat daytoy ti drone show nga agsukog ti emoji.
Kinumpirmaran ti Guinness World Records a ni Christopher Bradbury ti baro a record holder ti titulo a “Most Emojis Formed by Drones in Three Minutes.”
Daytoy ket kalpasan a nakabukel ti 30 nga emojis iti tangatang babaen kadagiti drones-na iti uneg ti tallo a minuto.
Naammoan a tawen 2007 idi nasursurona ti agpatayab ti drone kabayatan nga agpapaimbag iti cancer.
Ita a tawen 2024, nagbalin nga eksperto daytoyen iti panagpatayab ti drone ken kabaelanna ti ag-operate ti 109 units dagiti drone tapno mangisayangkat ti light show.
