LAOAG CITY – Maiyuswat intono bigat, Setyembre 7 ti cannonization wenno ti naan-anay a panagbalin a santo ti barito a ni Carlo Acutis nga idaulwan ni Pope Leo XIV ken daytoy ti agbalin a kaunaan nga Italian millennial saint.
Ni Acutis ket pimmusay gapo iti leukemia idi 2006 iti tawen na a 15 idiay Monza, northern Italy.
Ibilang ti Vatican ti barito kas “Cyber Apostle” idinto a ti dadduma ket aw-awagan da a “God’s Influencer”.
Naiayanak idiay London ni Carlo idi Mayo 3, 1991 no sadinno dagiti nagannak na ket Italian ken dimmakkel daytoy idiay Milan.
Saan a maibilang a marigrigat ti pamilya na ken saan met a religiously observant ngem nagbalin a relihiyoso ni Carlo no sadinn uray ubng ket inaldaw nga agatendar iti misa.
Tultulungan na dagiti ubbing a nabikbiktima ti bullying ken dagiti awan ti pagtaengan na babaen iti panangipaay na ti makan ken sleeping bag.
Inaramat na ti kinalaing na iti computer tapno iwaras ti pammati a katolika iti online ken nangaramid ti digital exhibition ti milagro.
Binigbig ti Vatican ti dua a milagro a napasamak kalpasan ti pannakatay ni Carlo nga isu ti napateg a wagas tapno agbalin a maysa a santo.
Ti ummuna ket ti panaglaing ti maysa nga ubing manipud Brazil a nakaptan ti rare pancreatic malformation ken ti maikadua ket ti panaglaing met ti maysa nga estudyante manipud Costa Rica manipud iti pannaka-aksidente na.
Iti nasao a kaso ket nagkararag dagiti nagannak dagiti addaan ti sakit kenni Acutis idi na-beatified ni Pope Francis isuna idi tawen 2020.
Ummuna a naikeddeng ti cannonization ni Acutis idi Abril 27 ngem gapo iti pannakatay ni Pope Francis iti nasao a bulan ket naitantan ken maiyuswat intono bigat.
Kageddan a mai-cannonize ni Italian student Pier Giorgio Frassati a maysa met a mountaineering enthusiast.
