LAOAG CITY – Umabot iti 251 nga ubbing nga addaan ti comorbidities ti nabakunaan iti Mariano Marcos Memorial Hospital and Medical Center iti ciudad ti Batac sipud Oktubre 29 agingga idi kalman, Nobyembre 4.
Daytoy ti kinumpirmaran ni Dr. Noreen Mayubay, Pediatric Infectious Disease Specialist iti nadakamat nga ospital.
Segun kenni Mayubay, adda met ti 198 nga ubbing nga awan ti sakit na ti nabakunaan kontra iti virus ken amin dagitoy ket awan ti napasaran da nga adverse reaction.
Inbatad na pay a ti kaunaan a nabakunaan ket masya a cardiac/HRD patien idinto a ti kaubingan a nabakunaan da ket agtawen ti 12.
Inpasigurado na met a makaanay ti dua ribo a doses a bakuna a suplay da ken agtultuloy ti panagsangpet daytoy.
Kunana nga iti agdama ket 50-50 nga ubbing ti bakunaan da iti inaldaw ngem mangrugi intono Lunes ket target da ti 600 agingga iti 700 nga ubbing gapo ta masuar kas vaccination site ti covered court ti Mariano Marcos State University (MMSU).
Kabayatanna, mangnamnama ti doktor nga iti sumaruno a tawen ket mangrug metten a mabakunaan dagiti agtawen ti lima agingga iti 11.
