LAOAG CITY – Nagpanawagan ni Cardinal Pablo Virgilio David kadagiti Katoliko a Pilipino nga ikararagan ti alisto a panagimbag ni Pope Leo XIV kalpasan a dimmalan ti operasyon gapu iti kanser iti bara.
Linagip ni David ti gundaway nga inarakop ti Santo Papa iti Vatican iti napalabas a lawas.
Kuna na a kayatna nga isubli ti arakop kenkuana ti santo papa babaen ti kararag.
Ginutigot na dagiti deboto nga iparikna iti Santo papa ti panagayat ken suporta kenkuana iti babae ti panangikararag kabayatan ti panagrekobre na.
Segun iti opisyal a medical bulletin ti Vatican, kumpirmado nga addaan ti lung adenocarcinoma ni Pope Leo XIV kalpasan a natingiting ti tissue na a naala iti operasyon.
Dimmalan ti agtawen ti 71 a Santo Papa iti operasyon idi Martes, Oktubre 13, iti Gemelli Hospital iti Rome, no sadinno nga inikkat dagiti doktor ti akinbaba a paset ti akin-kannawan a bara na.
Nagballigi ti operasyon a nagpaot ti sumuruk-kumurang a 90 a minuto ken awan ti nairekord a komplikasyon.
